عيب عليكي يادنيا اديني وشيك بقى
ليه مدياني ضهرك وسقياني حزن وشقي
دانا ياما شفت منك عذاب ودموع وأسى
وانا صابر على جراحي لكن كفاية بقى
وعيب عليكي يادنيا اديني وشيك بقى
لو ضحكتي مرة في وشي ونستيني الشقى
زي اتنين حبايب في يوم ميعاد اللقى
هنسى كل احزاني وهطوي كل الجراح
وهفتح صفحة جديدة وهسمحيك على اللي راح
وهعمل للحبايب بدل الفرح أفراح
والدعوه مفتوحة وعامة للجي واللي راح
وقول الدنيا صلحتني وهنسى كل الشقى
وعيب عليكي يادنيا اديني وشك بقى
Subscribe to:
Post Comments (Atom)
3 comments:
بصراحه الكلام اكثر من رائع
بس انا احب اقللك ان الدنيا مش بتدحك لكل الناس
وياريت الدنيا تفرح كل الناس
وتدينا وشها دائما
ونتمني منك المزيد
تحياتي
كلامك لذيذ يا عندليب بس بجد انت محتاج تقرا في اللغة العربية شوية
جميلة بجد ماشاء الله
اعطي لدنيا انت وشك واظهر لها بابتسامة مشرقة مهما كانت الظروف صعبة وجارحة ومؤلمة تأكد انها اكيد هتلف وتبص عليك وهتبقي احلي حياة
بس قووول يارب
بداية موفقة
وفي انتظار مزيدك
Post a Comment