لا عزاء للسيدات

الحب مات
لا عزاء للسيدات
الضمير مات
لا عزاء للسيدات
الوفاء مات
لا عزاء للسيدات
الاخلاص مات
لا عزاء للسيدات
فين الضمير مش لاقي
فين الوفاء مش لاقي
فين الاخلاص مش لاقي
وحب زمان مش باقي
كله راح كله مات
ولا عزاء للسيدات

قصيدة "شالوا الدعم"

الناس من كتر همها
ماشية تكلم نفسها
عشان السلع زاد سعرها
والحكومة شالت دعمها
ومرتباتنا هي نفسها
مش راضيين يزودوا قدرها
يبقى الموظف ياعيني عليه
السلعة اللي بريال بقت بجنيه
والناس مش عارفة تعمل ايه
دي الناس من كتر همها
ماشية تكلم نفسها

كلمتين

أول ما نبتدي الحكاية نبتديها بكلمتين
حكاية حب مكنتش مرة بس كانت مرتين
أول مرة جربت أحب ابتدتها بكلمتين
عاشق بحب ودايب في سحر العنين
ماقالتش رد لكلامي بس ضحكت ضحكتين
وافتكرت الضحكتين دول دليل على الكلمتين
قلتلها بحبك من زمان مش من سنة ولا اتنين
وبعد فترة شبكها صاحبي يوم عيد ميلادي بدبلتين
وتاني مرة قلت أحب برضه كانوا كلمتين
قابلتها حزين مجروح وفي عنيا دمعتين
قالتلي هتنساها بسرعة لما اقولك كلمتين
ترسم بيهم طريقك وتعرف قلبك فين
قلت أحاول أرسم بسمتي وأجفف الدمعتين
يمكن تكون هي اللي تعرف معنا الكلمتين

"عيب عليكي يادنيا"

عيب عليكي يادنيا اديني وشيك بقى
ليه مدياني ضهرك وسقياني حزن وشقي
دانا ياما شفت منك عذاب ودموع وأسى
وانا صابر على جراحي لكن كفاية بقى
وعيب عليكي يادنيا اديني وشيك بقى
لو ضحكتي مرة في وشي ونستيني الشقى
زي اتنين حبايب في يوم ميعاد اللقى
هنسى كل احزاني وهطوي كل الجراح
وهفتح صفحة جديدة وهسمحيك على اللي راح
وهعمل للحبايب بدل الفرح أفراح
والدعوه مفتوحة وعامة للجي واللي راح
وقول الدنيا صلحتني وهنسى كل الشقى
وعيب عليكي يادنيا اديني وشك بقى

حكاية المصري

انا مصري ومن نيلك يامصر ارتويت من قبلي وفي وسطكم هنا انا جيت احكلكم حكايتي وابتديها بأسمي (مصطفى المصري) قلت قبل كده من جبلي صعيدي ودمي حامي وعيت على الدنيا وكبرت وحلفت ما أكون الا جندي سلاحي في يدي احمي به أرضي وعرضي وقلي ابوي ياولدي الارض زي العرض وتارك ما تفوتوش ابدا وفي يوم مشهود ما تنساه العين ولا القلب في يوم 5 يونيو شفت أرضي بتتاخد مني شفت صحبي وأخوي وانا بسبله العين والنني شفت روحه في السما طالعه وبتقولي تاري ياولد عمي تاري ياولد عمي يومها ترابك ياسينا
ملا كفوفي وغطى وشي وقلت لك ياغاليه غصب عني هفوتك وامشي لكن والله في السما والله في السما راجع تاني وفي نفس المكان هتدق الطبول والاغاني واخد عزاك ياولد عمي وانا برفع علم مصر من تاني
وبعد سنين وفي سته اكتوبر اليوم اللي استنيته كتير ودقت طبول المعركه من تاني الله اكبر في كل مكان الله اكبر في كل مكان الله اكبر تدوي في الميدان وعدينا سيوف الحق في ايدينا واروحنا على كفوفنا دبل خوفنا ومصر وقفه عروسة حالفة ما تتزوق الا ورمل سينا على طرحتها متزوق بص شوف الفجر طالع جي يزغرد جوه صوت البندقية بص شوف هادي الموانع تحت رجلينا سبيه وفي نفس المكان هو والله انا فكره هو وعلى نفس الرمل المتحني بدمك ياولد عمي رفعت علمك يامصر وكتبت عليه الله اكبر بدمي
سينا رجعت ياما يامصر ياغاليه قومي البسي توب الهنا والفرح من تاني وزغردي وغني وقولي
(سينا رجعت لينا تاني ومصر اليوم في عيد)

لسه مسلمين

طول عمرنا ياعرب مشكلتنا هي واحدة
صعب نبقى يد واحدة
بس احلى حاجة فينا لسه احنا مسلمين
امريكا تضرب واحنا نشجب او نندد او ندين
بس احلى حاجة فينا لسه احنا مسلمين
اي شئ يقولوه بيمشي وكلنا بنقول امين
كله خايف عالكراسي من ملايين السنين
زمان لما جه ريتشارد يهدد وياخد القدس الامين
قلنا ياريتشارد سلام قالسلام مافيش سلام
قام صلاح الدين همام والصليب ويا الهلال
حرر القدس الامين بعدها عم السلام
السلام ياناس بنصر مش هتاف ولا كلام
عار علينا لما نشجب عار علينا نقول امين
بس احلى حاجة فينا لسه احنا مسلمين